重有唔到一个钟，
就到我地七年前约定既时间。

呢一刻，我显然安坐家中，虽然疲倦，头痛。
系连日既变故反复同无望纷扰之后，
突然拥有左一种，类似末日狂欢既，
貌似坚强实则破碎不堪，既麻木。

呢一刻，估计据亦系安然怡然甘，
如常度过据既假日。
今年会系最后一个“明年”，据话过。
原来男人都有好恨娶既。
据位美人比据好大压力，
但周瑜黄盖，人地痛并快乐着。

冇一个人远赴千里之外既约定。
时间系一个好借口。
现实系一个好借口。
现代系一个好借口。
真相系约定其实已经唔重要，
同一个世界，不同既梦想。

美人系据既业障，
据又何尝唔系我既业障？
上年听林奕华讲，每一个人都系包法利夫人。
到呢一刻，我先真正明白。
贪慕虚荣，
系爱情同生活上被欲望同想象折磨得死去活来，
死都谂住要生活在别处。
梦想，
令我地既生命充满光彩，但同时亦摧毁我地既人生。
两难选择，
疲于奔命定妥协偷生，难分对错，一样困厄。
我开始认定，
唔顾惜你既人唔值得你奋身不顾，
值得追求既理想唔应该令你痛苦。
凡事讲“值得”。

反过黎企系女性物化既角度而言，
我同你既美人，
平野冇好野，好野唔会平。
你仆心仆命，因为据值得。

死撑既凌晨，已经完全冇办法修改师太钦定既论文。
思维全部变成意识流。
陈奕迅，我地呢一代人成长中集体既感情插曲，
得得失失必听悲情曲目，重新听左一次又一次。
明年今日，人来人往，你的背包，十年，不如不见，婚礼的祝福。。。

翻文物甘去废弃已久关闭已久的前前前blog度翻个篇陈年旧作。
前几日鬼使神差甘最后打开古董电脑。
某一晚随便抽中书架深处一本日记。
几件事，动机上完全冇关联，但最终指向左同一个结果。
可能，呢D就叫做整定。
出黎行，迟早要还，
何况系一个曾经如此誓神劈愿既约定。

打开旧作，哗，原来我重设左密码。
曾经系几甘宝贝既野。
原来我一直系个冇耐性既人，四千字就浓缩晒悲欢离合前因后果。
太有遇见性了，纵使隔住遥远既时空，当年既我都能够无比肯定：
将来系终点望转头一定系可笑既，
呢个结果一定系空白既，
但我将会系呢个荒谬既过程中获得某种真实。

只系回忆煞人。
已经过左去甘耐以为早已褪色的情绪，依然可以击倒人，
令人一下陷落于过去既时空之中难以自拔。
回忆，据其实系一个冰箱，而唔系焚化炉，
据一经打开，亿万年前既感冒菌都可以出黎为祸人间。
在此奉劝各位同龄密友，系你到达一定既年龄同修行之前，
万勿翻阅以前既日记啊书信啊借据啊欠条甘。
回忆煞人。

我谂下，呢七年自己做过D乜，
而呢七年，据又可能经历左D乜。
中间隔住一大段空白。
七年，向前睇漫长无涯，望返转头，顷刻化为乌有。
可以讲讽刺，
只不过现实往往系解构既。
黯然销魂，
定系，安然笑昏？
庸人故事，一向都系悲喜难分。

年初艳照门事件后，某很cctv既媒体出黎扰民，
一位大叔面对镜头，话：
关我咩事啊，我系出黎买豉油既。
被奉为经典。

系尘世，从理想既尸首上跨过去。
系底层，庸碌奔波为热情续命。
堕落亦系一种尊严，相信亦系一种麻醉。

凌晨系天涯睇某师太好彪悍甘讲，
对我这个年龄的小龙女来说，谁当杨过已经不重要，
谁当尹志平才重要。
被奉为经典。

彪悍人生不要解释，不彪悍人生无法解释。
如花情深所以不寿所以冤魂不散，
十二少苟且健忘所以从容偷生。
不过，胡一刀夫人自杀就话，
我就少受这二十年的罪了。
……
纠结系我思维既特点，so what。

总之，风花雪月唔系为平凡人而设既外景。
他妈的，
老子就是要/只能低到尘埃里，
从尘埃里开出花来。
苟且偷生，可能需要更多既坚忍不屈麻木不仁慷慨不惜。

七年，
不如不见，见都冇得见。
翻江倒海同灰飞烟灭，
不同既世界，不同既梦想。

写到呢度，时间已经慷慨甘过去了。
谨此记念曾经很傻很天真既2001.05.25。