今晚温教授突然发短信黎，
话系手机翻到上次分别时，据影低既我。
不知不觉已经过左个几月，
而更长既时间将会过去。

新工作体会，偏激D既讲法系——
冇point到冇野比我闹。

论文，一直以黎，既系困身大石，又系暂时5面对选择既藉口，
虽然写得极烂而深埋隐患，但总算暂告一段落，
宜家已经基本失去左呢个障碍或理由。

个日又去面试。
半夜执完论文，训左几个钟就去。
领导同志见到既系一个乌眉瞌睡，
面都未洗干净既小朋友，
疲倦而思虑重重甘交谈，毫无落力表演。
尽管如此，感觉重系问题5大既。

公司业界口碑一流，
竟然离我屋企无比甘近，
重可以同小boss同属一间公司，
虽然系5同城市。
当然，缺点就系目前人工福利水准低至原来一半，
但系，基于前景同理想，我谂左两日，
都系可以承受既。
得就去马。

然而就系半个钟之前，
收下邮件，
领导同志话我要去既部门会调正去第个城市，
所以……

背就一个字。
点解我地呢D善良勤劳正直既青年朋友，
总系要甘命途多舛呢？
呢一年以黎，付出左太多，未来依然渺茫叵测，
我都系会攰既。

月初周五晚，同新公司搞完活动返黎，系网上撞到加班既天使同事，
倾左好耐，一边打字一边痛哭，
可能正如后来同实习战友小男生所总结既，
一年了，投入而未完成既事，共同成长既感情，
有太多既野放5低。
后来又同天使同事倾过两次，
每次倾完都有一种即刻返去既冲动，
上星期更系有甘既强烈愿望。

但系，我又谂，
如果系甘，系米更加证明我太软弱，
如此急需追随同投奔。
而且，甘样走来走去，
究竟系愤世，恋家，逃避，
定系纯粹为左个份逃离撒手既快感？

不过，环境始终系一个无法忽略既问题，
无论系工作环境，定系生活环境，
前者人有惰性，后者人太脆弱。

返xina，系罗现世安稳赌一铺美丽泡沫，
去TY，为理想继续勤俭我亦乐意，但已经看似渺茫，
目前公司能安定生活，但人对环境既惰性太可怕，死于安乐最令人扼腕。
重有好5容易候到既，但完全睇5到未来既ND……
而时间同在流走。

今夜西风凋碧树，碧树生晒黑眼圈，
下一站，你话边度？